"Taiwan Tubteedda aynu qaadno ''. Qalinkii Axmed Nuur Guruuje
"Taiwan Tubteedda aynu qaadno ''. Qalinkii Axmed Nuur Guruuje
Nabadgelyaanu hirgeliney , Dimuqraadiyad baanu samaynay , dawlad baanu samaynay , Mogdisho anagaa nabad dhaana , sidaa darteed hanala aqoonsaddo waa sababtu aynu sodon guuro ku habsaaney maxaa yeeley aqoonsigu markiisa horreba mucaawimo maaha , wixii inaga inoo gaara ee aynu qabsanayna cid kale ma quseeyaan , keliya dawladuhu dan bay eegaan iyo waxaynu kaa faaidaysan karro , sidaa markay tahay waa in aynu Istaraajiyadaa qaldan ee sodonka sanno inaga lumisay iska soo xidhnaa tubta Taiwana aynu qaadnaa inagoo yeelayna ,
- Taiwan waxay is haystaan wadanka Aduunka oo dhan ugu dadka badan , wadanka labaad ee ugu dhaqaalaha badan ahna wadanka sadaxaad ee ugu Milateriga wayn , kana midda wadamada ku hubaysan Nukliyeerka lehna awoodda diidmada qayaxan ee Veto power , hadana hawlaheedda ayay iska wadataa .
- Taiwan waxay samaysatay dawlad wanaagsan oo aan lahayn , musuq-maasuq , eex , qabyaalad iyo laaluush , inaguna waynu yeeli karaa sidaa hadaynu doonayno horumar .
- Taiwan wadana ma barido , waxaanay isku halaysaysaa tacliin heer sarre ah , tiknoolajiyad , dhaqaale iyo cudud milateri , intaa iyo in ka badan inagana waynu samaysan karaa iyana way inaga caawin kartaa hadii aynu kartideeda yaalo .
- Taiwan waqtiba kuma lumiso aqoonsi , maxaa yeeley Shiinaha ayaa albaab walba u fadhiya oo xitaa veto isku hortaagaya hadii aduunka oo dhami aqoonsaddo , inaguna aqoonsigaba waynu iska dayn karaa 15 sanadood oo keliya shaqana waynu u jeesan karaa waana aynu guulaysan karaa sidda Taiwan waa hadii aynu dad nahaye .
Ugu dambayn , Taiwan waxa aynu kagga nasiib badanahay waxaynu is haysanaa Soomaaliya oo dadkeeda aynu kala ahayn markii aynu wada jirey 59% iyo 41% , ahna wadanka aduunka ugu hooseeya dhaqaale ahaan , musuq-maasuq ahaan , nabadgelyo ahaan iyo maamul ahaan , waxna aan ina dheerayn , sidaa darteed waa in aynu tubta Taiwan qaadnaa oo shaqo adag isku halaynaa wada hadalada Jabuutina aynu faareyga ku daraa . Leave a comment |
|
"Taiwan Tubteedda aynu qaadno ''. Qalinkii Axmed Nuur Guruuje
"Taiwan Tubteedda aynu qaadno ''. Qalinkii Axmed Nuur Guruuje